Við hjá Sjöstrand trúum því að kaffi eigi að vera jafn gott fyrir plánetuna og það er fyrir bragðlaukana. Þess vegna höfum við þróað lífræn hylki, gerð úr náttúrulegu úrgangsefni  - ekkert ál og ekkert plast - eingöngu aukaafurð sem fellur til við brennslu kaffibauna (hismi) og færi annars til spillis. Fyrir okkur snýst þetta ekki bara um nýja tegund af hylkjum, heldur um skuldbindingu til að endurhugsa neyslu okkar til framtíðar.

Af hverju ekkert ál og plast?

Hefðbundin kaffihylki byggja að stórum hluta á efnum sem skilja eftir sig varanlegt umhverfisspor:

• Framleiðsla áls er afar orkufrek og krefst mikilla auðlinda til að bræða og móta efnið. Endurvinnslan er að sama skapi orkufrek.
• Flest hylki eru aðeins að hluta endurvinnanleg - ál má gjarnan endurvinna, en plast og sílikonhringirnir eru ekki endurunnin.
• Aðeins lítill hluti álhylkja skilar sér í endurvinnslu, meirihlutinn endar í landfyllingu.
• Plast- og álhylki geta legið í náttúrunni í hundruð ára án þess að brotna raunverulega niður.

Við fundum snjallari og hringrásarvænni lausn. Með því að endurnýta kaffihýðið (e. silverskin/chaff) - þunna himnu sem losnar náttúrulega af baununum við brennslu, búum við til lífrænt hráefni fyrir nýju hylkin okkar.

Kaffihismið er enginn venjulegur úrgangur. Það býr yfir einstökum eiginleikum og inniheldur allt að 86% leysanlegar trefjar. Hismið, sem er venjulega hent, er nú orðið lykilatriði í sjálfbærni vegferð Sjöstrand, notað í niðurbrjótanleg hylki sem standast hámarks gæðakröfur í samanburði við aðrar hylkjategundir, án þess að umhverfið þurfi að taka sinn toll.